انهارده افتكرت اول كسره لفرحتنا بالثوره من سنه كانت زى الايام دى
لما الجيش فض الميدان بالقوه وقتل واصاب وعتقل مصريين وكانوا بيهتفوا بكلمه واحده
الله اكبر وتانى يوم قالوا عليهم بلطجيه دى كانت اللحظه اللى انكشف فيها الوش
الحقيقى للمجلس واترمى الرعب فى قلوب المصريين ومع الوقت واللى حصل فى 8 ابريل و
امام مقرات امن الدوله اصيب ومات الكثير ودليل تورط امن الدوله فى القتل والتعذيب
قبل ووقت الثوره اتحرق والورق اتفرم ومن بعدها المصريين بقوا يتعرفوا على حقيقه
المجلس يوم بعد يوم ولحد انهارده ومن سنه كامله محدش يعرف اى حاجه عن الناس اللى
ماتت واللى اتصابت واللى فى المعتقلات والرجاله اللى صمدت والادله اللى فسدت
ومستخبيه كنت اعرف من يوم 4 فبراير قبل التنحى باسبوع لما اجتمع المجلس والناس
فرحت كان دكتور حازم صلاح المرشح للرئاسه فى الميدان ولانه تخصص قانون دستورى فاهم
كان بيقول ده انقلاب ودول جزء من النظام من مصلحتهم انهم ينقلبوا على حسنى وابنه
عشان النظام يستمر وقال للناس متمشوش لما حصل التنحى وفضل يقول شهور ان العسكر
نيتهم سودا وانا بكدب نفسى واكدبه مع انى مقتنع بيه وهنتخبوا كمان بس كنت بتمنى
يطلع غلط انا بجد مش قادر انسى كسرتى وكسره فرحه الناس والخوف اللى كنت بشوفه فى
عين الناس واللى يقولك هنبقى زى سوريا واللى يقولك لا جيشنا كويس اكيد هنبقى زى
ليبيا عشان جيشنا ميرضاش بخيانه المجلس طب امال فريق المظلات والقوات الخاصه
والشرطه العسكريه اللى دهسوا الناس ورموا الجثث فى الزباله ومثلوا بيها دول مين
دلوقتى بيقولوا الاخوان بيسايسوا العسكر عشان مصر متبقاش سوريا او ليبيا وده كلام
من جوا الاخوان والاخوان بياخدوا الشلاليت بدل العسكر سياسه وانا شايف دينى بياخد
الشلاليت متمثل فى الاخوان ومش مستحمل بس دلوقتى بقيت خايف من تواطؤ المجلس فى كل
الاحداث اللى حصلت واخرها بعد احداث بورسعيد تهريب المجرمين الامريكان والركوع
لامريكا وحنا اللى كنا فاكرين علشان المعونه وقولنا فى داهيا المعونه مقابل
الكرامه طلعلت مش المعونه بس فى تورط للمجلس فى مصايب تانيه وياتره لحد اخر يونيه
مخبيلنا ايه تانى علشان يجهضوا حلمنا يجهضوا فرحتنا اللى استنيناها سنه ونص ...
يااااااااااااااااااارب احمى مصر
يا رب احمي مصر
ردحذف